اليوم و أنا مروحة من الجامعة ميلت على المول بدي ابدل نظارتي و لسه يا دوب بقرب من المول لقيت شاب صغير بقول الفاظ سيئة و بقول و الله لأضربك ما أخدت ببالي خناقة صغيرة بين شباب خلص و انا لسه بدي ادخل الباب لقيت بوجهي رجل بأوائل الاربعين ماسك سكينة كبييرة و بيقول انا حأخد حقي و الناس التمت انا شفت المنظر اجا في بالي يكون بلطجي ما أنا من النوع الخويف جدا و نشفت بمكاني و وحدة طالعة من المول بتقولي ما تدخليش روحي احسنلك كل هدا خلال ثواني و أنا لسه ناشفة بمكاني لقيت رجل تاني قرب عليه و قله هات السكينة و لسه الرجل مصمم ياخد حقه هههه انا نشف دمي لهما صاروا يتخانقوا انا ما استحملت المنظر زي الافلام لما البطل باخد طعنة سكين من الشرير هيك اجا في بالي هاللحظة لانا رجعت و لفيت و دخلت من باب تاني و بدلت النظارة و روحت و اكتشفت اللي ماسك السكينة بيان كاستات بالمول و بيدخن سيجارة و لسه دمه فايرمن التعصيب هههههه
هههههههههههههههههههههههههههههههههه
ردحذفسكينة .. والله شكلو يومك ممتع كان هههههه
حمدلله على السلامةيا بطوطة:)
المشكلة في النظارة اكيد ... :)
ردحذفوالله يا لولو اتصروعت ما كان خاطر ببالي اشوف هالمنظر
ردحذففعلا المشكلة كانت بالنظارة من اولها هيك :)) الله يستر شو يصير لما ألبسها
ردحذفالحمدلله عسلامتك حبيبتي
ردحذفالمشكلة في المواقف الي زي هيك ان الواحد بتجتاحه مجموعة متضاربة من المشاعر:
1- شعور بالخوف و القلق من احتمال وقوع ضرر او اذى لا سمح الله
2- شعور بالفضول و الرغبة في معرفة سبب المشكلة و ما ستودي اليه تصرفات اطرافها الهوجاء!
3- و اخيرا شعور بالحيرة و التخبط و عدم القدرة على اتخاذ القرار المناسب و هو الابتعاد عن موقع المشكلة باقصى سرعة و دون النظر للخلف لحظة
ارجو ان تكون تجربة كتلك قد منحتك بعض الخبرة في التعامل مع هذه الامور بحكمة اكبر في المستقبل ان شاء الله
الله يحفظك حبيبتي و يحميك من كل سوء :-)