هل أجمل من وجه مشرق باسم

كأنو زماااااااااان

كأنو زماااان ما كتبت لا مش بس هيك كأنو زمااااان عن غزة ...يالله ما بعرف كيف مضو 5 سنين و  انا بالغربة ما كنت بعرف اني بحب غزة هيك غير لما رجعت و شفت فيها المنيح و السيء 

طبعا الكل بيقول انتي رجعتي في زمن النهضة لغزة وما عشتي ايام الحصار و الحرب فعلا انا ما عشت انا جيت و لقيت كل شي حلو و جديد شي مول و هايبر ماركت و كافيهات و صالات افراح و حتى جراسين اشكال و الوان لا و المضحك انه ما بعرف متى و كيف قلبو مصريD: ما بفهمD:

طبعا هدا كان انطباعي افي اول اسبوعين الي في غزة بس بعد ما بديت اشتغل بديت استوعب المصايب و مأساة الشعب ...لا لا مش قصة حصار قصة تانية تماما :( 

يعني ممكن نقوم فش ضمير او ممكن نقول غلبانين كل واحد و مصاريه و امكانياتنا في المستشفيات تعبانة بس هدا الموجود و لازم نتأقلم عليه و هنا تكمن المصيبة 

طول ما انت بالرمال بتحس حالك بالقاهرة اول ما تصل الشجاعية و المخيمات و الوسطى  تستوعب انه في فقر و في ناس تعبانة و هدا الرمال بس قشرة لمجرتنا الغزية :P

يمكن افكاري مش مرتبة هلأ بس اجا على بالي اكتب شو بيجي على بالي 

اه اتذكرت اهم شغلة بايخة و مستفزة كل الناس بتحشر حالها بكل شي و كل الناس بتطعن في ظهور بعض وأكتر شي بيغيظني انه طول ما انت بالشارع الناس بيتطلعو و كأنو الواحد من كوكب بلوتو مش المريخ كمان

ازمة وقت

عارفين الشعور لما ابواب الدنيا كلها تتقفل امامكم هيك كان شعوري  هالفترة

اليوم كنت في قمة الضياع ما بعرف كأنه حد رمى عليا مياه باردة في عز الشتاء كنت حاسة انه الدنيا اسودت في عنيا كنت و مازلت حاسة انه تعبي طول الخمس سنوات واقف على كفة عفريت حاسة انه التيرم هدا سيء مع اني ببذل قصار جهدي في الشغل لكن دائما الظروف بتعاكسني كل ما اشتغل حاجة تتعقد الامور و بتصير مصايب في الشغل و باقي من الفصل لتسليم المتطلبات شهر بالضبط و انا لسه ما عملت نص الشغل المطلوب مني عاملي هالموضوع ازمة نفسية لاني كنت حاطة امال كبيرة هالفصل في الشغل بس الظروف من اولها جاءت معاكسة بداية بثورة مصر وتأخير الفصل شهر و زيادة المتطلبات في العيادات في كل الاقسام و قلة المرضى و الاسوء من ذلك ضيق الوقت عنجد صارلي بالضبط 3 اسابيع اعصابي محروقة حاسة الوقت بيمشي و انا ما بنجز شي ابدا و العلامات بتطير امام عيوني  و انا مش عارفة شو أعمل اكتر من هيك 

اليوم فعلا روحت حاقدة حقد ازلي على الجامعة وعلى بدرس طب أسنان و على كل الدكاترة و على رئيس الجامعة شخصيا كمان لانه مش راضي يزود وقت الفصل بدل التأخير و رفضهم تمديد فترة العمل بالعيادات بعد انتهاء الدوام بالجامعة 

عنجد اليوم صعب جدا و لسه الجاي اصعب الله يعدي الفصل هدا على خير لانه نفسيتي تعبت اكتر من اللازم و حسبي الله و حده نعم الوكيل على الظالم و المفتري من الدكاترة و المعيدين كمان :( 

بس على فكرةبردو لو انعاد فيا الزمن كنت حأدرس طب أسنان لانه بصراحة كتيــــــــــــر بكون مستمتعة و انا بشتغل للمرضى بس المشكلة بالوقت مش اكتر  و مضى الكثير و ما بقي خير القليل

و الله يوفق الجميع

عذرا

عذرا " ابن الزهر " فجرثومة الجرب هي الصهيونية

عذرا " مندل " شجاعتنا صفة سائدة

عذرا " جون ووكر " قضيتنا مشتعلة لا تحتاج لأعواد ثقاب

عذرا : " شا ولاو " مقاوتنا تخترق اسرائيل أكثر من أشعة الليزر 

 عذراً "شكسبير" : فروميو يتجسد بعشق فلسطين

 عذرا "سالفينو أرماتي " نظرنا خارق تجاه فلسطين

وأخيرا  عذرا " جورج بولمان " لم يعد العرب يحتاجون عربات النوم في قطاراتهم فلقد افاقوا من غفلتهم  

فأنا  عربية فلسطينية و أفتخر .

هبوا اسودا زمجرت
صهروا قيود الذل
رسموا على صور الزمان خريطة
صنعوا بيارق مجدنا
كتبوا وثائق عزنا بدمائهم
وتمنطقوا نار اللهب
سقطوا على أرض الكرامة والشرف
هذه ميادين الفوارس
هذه جراح القوم
يا زنبق الأرض الندية
يا بسمة الأرض الشجية
مرحى لكم....طوبى لكم
شهداؤنا رمز القضية
يا روعة المجدالتليد
يا عهد ماضينا الجديد
هاماتنا....قاماتنا لن تنحني
لن يستباح العرض
لن تسبى الحرائر من جديد
سنكون نسرا جارحا...........سنكون سهما قاتلا
سنكون نار تحرق الباغي العنيد
غزة تغرق بالدماء في يوم معتم جديد
وأشلاء الشهداء تتناثر وكأنها حديد
أصوات الأطفال ترتفع تنادي كل من في قلبه ذرة
من أيمان شديد
غزة في قلوبنا وان تركها كل من وضع يده
في يد مجرم قتيل
غزة الله حاميها ولن تركع مهما طالت
القيود وأطواق الحديد

                 منقول لكن أعجبتني كثيرا

6 أكتوبر رقم 18

 روند ما رأيك أن نستقل حافلة الجامعة اليوم

ايمان كيف أركب و لست مشتركة 

تعالي ليست مشكلة

ما رقم حافلة

18

ياااااه  18 انا كنت بحافلة رقم 8 الارقام تغيرت

وهنا بدأت مشواري

.......

جلست أتأمل أنظر من حولي 

أتأمل بالأشخاص اذني ترصد لهجات

أنظر لملامح أصحاب هذه الأصوات 

علني أتعرف على أحدهم 

و أنا ما زلت جالسة استعدت شريط ذاكرتي

ذاكرة عمرها يكاد يقارب الخامسة

تذكرت نفسي أول مرة جلست على مثل هذا الكرسي و للصدفة في نفس الحافلة

ولكن السائق قد تغير و رقم الباص تغير

تذكرت كيف كان الخوف ينتابني في ذلك اليوم

تذكرت نفسي و أنا أحمل الكتب و معطفي الأبيض

تذكرت تلهفي لسماع لهجتي علني أتعرف على من هم مثلي

تذكرت كيف كنت أنظر لمن يكبرني سنا و هم يحملون تلك الشنطة المميزة

وأحلم بأن أكون مثلهم

وهنا  سمعتها تنادي يا روند "سرحتي فين"

صوت ايمان  صديقتي المصرية العزيزة

و كنت تعرفت عليها في الحافلة

لا أصدق مرت الأيام بل انها سنين

سنوات مررنا بها معا بالحلو و المر

كم استقوينا عليها اذ كانت المصرية  بين 3 فلسطينيات

وكم ضحكنا و كم جلسنا في الطرقات

انها سنوات تمضي و لا تبقى غير الذكريات الجميلة

 اصوات الضحكات

تعليقنا كفلسطينيات  على بعضنا لاختلافنا في اللكنات

اطمئناننا على بعض بعد الخروج من الامتحانات

 حقوق الطبع محفوظة P: على بعض القصاصات

حجزنا لبعضنا البعض لوحدات العيادات ;)

و الأبقى صور ترتسم عليها الابتسامات نقشتها تلك الذكريات


بطلاتها مصرية و ثلاث فلسطينيات
 

يوم حافل

يوم حافل كأي طالب في الجامعة :) و لكن اليوم كان حافل بالتصرفات السيئة :(

كل منا يخطأ و لكن الاعتراف بالخطأ و تصحيحه يضع الانسان في عين الاخرين كبيرا

كنا اعتدنا بالجامعة على التمييز من قبل المعيدين بين الطلبة أبناء الأساتذة و بين باقي الطلبة :$ و أنا بكل صراحة  أبتعد عن هكذا معيدين و أساتذة و لكن اليوم و للحظ السيء وقعت أنا و مرضي تحت اشراف طبيب برأي كثير من الطلبة انه متعالي و واثق بنفسه و لكن للأسف على لا شيء هنا المشكلة الكبرى على لا شيء فقد سبق و أن أخطأ مع غيري ومعي مع نفس المريض ايضا للحظ العاثر و اضطررت أن أبرر للمريض يومها ان لديه حساسية من نوع البنج ولا يجب اكمال الشغل في ذلك اليوم

كنت يومها أجرت اختبار للحساسية للمريض و جاء هذا الدكتور و شكك بعملي الاختبار و قد اعاد الاختبار و هنا كانت المفاجأة بدأ المريض يشعر بالخدل بيده مكان اجراء الاختبار فقلت للدكتور ما حدث لهو قالي بتكوني اجريتيه خطأ فقلت له يا دكتور حضرتك الذي أجريته فقال " خلاص بيكون عنده حساسية " استغربت و سألته " هو الحساسية بتعمل تنميل " رد  " اه ممكن " أثار دهشتي تغيير اجابته من اجراءه غلط الى حساسية لانه من أجراه!! شكيت بالأمر,فأنا أعدت الموقف على  دكتورة اخرى أثق برأيها فأنا أريد أن اتأكد من هذه المعلومة ليس لاني شككت الدكتور فقط ,لاني ما زلت لا أملك الخبرة الكافية للحكم المطلق على من هو أكبر مني علما أيضا , و لكن لاني فعلا أريد أن أتعلم و أعرف ماذا أفعل في مثل هذه الحالات, فقالت لي بكل سخرية " يا هبلة بتكوني اعطيتي البنخ للوريد مش حساسية" أنا ضحكت و قلت " يا دكتور مش أنا اللي عملت الاختبارهلأ دكتور فلان هو اللي عمل " سكتت الدكتورة .. عادي كلنا نخطأ....

و اليوم لا أعرف لما حظي مع هذا المريض هكذا و اليوم بصراحة تجنبت  هذا المعيد فهو و معيد أخر كانا بالعيادة و لكن قد تم تحويل الاشراف عليه اليوم و بصراحة لوهلة فكرت ان أؤجل الخلع للمريض لاني أعرف أنني لن اجني سوا ألم الرأس و تضيع الوقت مع هذا الطبيب لان معظم الطلبة لا يثقون به أيضا و حدثت معهم مواقف معه و لكن وضعت مصلحة هذا المريض لانه اخذ اجازة من عمله خصوصا اليوم ...أخذت المريض و صورته أشعة قبل الخلع و ناقشت الأشعة مع الدكتورة الأكبر سنا منه و رجعت للعيادة و أريته الاشعة و قلت له سأحضر  straight apexo elevetor 

قال لي لا الحالة أبسط مما تقولين فقط احضري lower remaining root forceps و كان اول الاستغراب و قولت له " يا دكتور لازمني اليفيتور مش حيطلع بالفرورسبس " رد قائلا " اليفيتور ايه بقولك مش مستهلة و اوعى تجيبي اليفيتور فاهمة " .... أنا أصغر سنا و هو أخبر مني فسمعت كلامه مع اني لست مقتنعة كثيرا ..

و جربت بالفورسبس و بكل صراحة يدي أوجعتني و أحس ببعض حركة الجذور  الحق يقال و لكن يرفض الخروج

عرض علي أحد الزملاء المساعدة لا أعرفه مسبقا و فعلا ساعدني  جزاه الله خيرا و اخذ يجرب و أيضا رفضت الجذور الخروج معه و قال لي احضري اليفيتور قلت له الدكتور قال لا حاجة له  بنبرته حذرني من احضاره قال فلنجرب ثانية و حاولنا و ممنظرنا كان مثير للدهشة اذ جاء 3 شباب أخرين ليشاهدوا وكلنا أجمعنا  على احضار الايفيتور و لا أحد يجرأ أن يحضره خوفا من هذا المعيد حيث انه ابن أحد الدكاترة بالجامعة و مثل ما نقول " ايده طايلة بيخرب بيتنا لو حطنا براسه " و بعد نص ساعة من المحاولة قال لي الزميل قولي للمعيد بسخرية " خليه يجي يشيله بالفورسبس اذا هو مصمم " فأنا ذهبت و استنكر المعيد من كلامي كيف لم يخرج و أحسسني بالفشل و فور ما جلس قال لي احضري اليفيتور !!!!!!!!! الله أكبر هو أنا من الصبح ماذا أقول و انت مصمم على رأيك!!!!!!! و خلال دقيقة تم خلعه بالايفيتور

كل الزملاء استنكروا موقفه و كيف كانت نبرته و احساسنا بالفشل اننا لم نستطع خلعه ....

أعدت الحالة على صديقاتي و سألتهن لو كنتن بمكاني ماذا ستحضرن رددن بنفس الأدوات و أعدت القصة  كاملة و بالتفاصيل السابقة و كان رد احداهن مضحك جدا " يعني يا روند شو تتوقعي منه مهو ابن الدكتورة فاتن نفس العنطزة " و أخرى " يي عليكي ما لقيته غير هالدكتور " 

والله كلنا نخطأ و ما حدا معصوم من الخطأ و بكل صراحة لو حصل الموقف معي مع معيد اخر كان ما تضايقت منه مثل ما تضايقت من هذا الدكتور لانه يعتبر نفسا علامة في الجراحة  و لا يقبل النقاش و هو ليس علامة كما يصور لنا ...

و بكل صراحة أنا أدين لعدد من المعيدين و أريد أن أقول اسمهم علانية د.محمد شبايك  و منى فاضل و د.أحمد الهواري و د. شيرين و د.هشام  بتعليمي الصحيح بالعيادات كل في قسمه و تعليم غيري فهم يعطون خبراتهم و لا يبخلون على الطلبة باكسابهم مهارات و لا يعرفون التمييز العنصري  و مشهود لهم من غيري بالمهارة فلهم كل التحية و الاحترام و التقدير و الله يجزيهم كل خير و الله يزيدهم و شكرا لهم  و عمر ما حأنسى فضلهم و فضل غيرهم من الدكاترة :)

على الهامش

أمس كنا أصدقاء اليوم خصماء غدا أعداء

هذا ما يفعله الكبرياء حينما يكون الحاكم بين تعاملات الأفراد

للأسف كبرياء مغرور و لكن الجناح سيكسر عاجلا ام اجلا

و يبقى الخاسر الوحيد .........؟؟؟ غرور الكبرياء


 

يما

اليوم و أنا مروحة من الجامعة ميلت على المول بدي ابدل نظارتي و لسه يا دوب بقرب من المول  لقيت شاب صغير بقول الفاظ سيئة و بقول و الله  لأضربك ما أخدت ببالي خناقة صغيرة بين شباب خلص و انا لسه بدي ادخل الباب لقيت بوجهي رجل بأوائل الاربعين ماسك سكينة كبييرة و بيقول انا حأخد حقي و الناس التمت انا شفت المنظر اجا في بالي يكون بلطجي ما أنا من النوع الخويف جدا و نشفت بمكاني و وحدة طالعة من المول بتقولي ما تدخليش روحي احسنلك كل هدا خلال ثواني و أنا لسه ناشفة بمكاني لقيت رجل تاني قرب عليه و قله هات السكينة و لسه الرجل مصمم ياخد حقه هههه انا نشف دمي لهما صاروا يتخانقوا انا ما استحملت المنظر زي الافلام لما البطل باخد طعنة سكين من الشرير هيك اجا في بالي هاللحظة لانا رجعت و لفيت و دخلت من باب تاني و بدلت النظارة و روحت و اكتشفت اللي ماسك السكينة بيان كاستات بالمول و بيدخن سيجارة و لسه دمه فايرمن التعصيب هههههه

بعد كل عثرة نسقط، نتألم، نمسك مكان الألم و الدموع تنزل كالندى، و في لحظة امتداد يد إلينا ترتسم على شفاهنا ابتسامة تذهب الألم فينا أدراج الرياح .

تذكرة

لأول مرة خلال الخمس سنين بالجامعة حد يتهمني اني أنانية كان اليوم كتيييير سيء عليا كتير ضايقني هالكلام .

 السبب شاب لم يسبق أن بادلته الكلام قبل ذلك و الذي ضايقني أكتر أن انتقاده كان بتهذيب شديد لدرجة انه أحرجني بتهذيبه ولم أتوقع منه شخصيا هذا الكلام .

بداية الموضوع جامعتي بعيدة عن المنطقة السكنية بالمدينة فما بيجيها مرضى لحالهم فالجامعة بتجيب باصات فيها مرضى من مناطق مختلفة و يتم الكشف عليهم و كل مريض له تذكرة بالقسم المحول له  .

يعني القصة و ما فيها اجت3 تذاكر على قسم التركيبات المتحركة و توزعوا تذكرتين و بقيت تذكرة لمريض و كان الاختيار بيني و بين صديقتي العزيزة و هذا الشاب كنا الوحيدين من مجموعتنا لحظتها عند رئيسة القسم و هو لانه كتير مهذب تنازل عنها و ضل الاختيار بين و بين صحبتي.. و صاحبتي اشتغلت قبل هيك متل هالحالة فسابتلي التذكرة و اتفقنا انه انا اخد الفك العلوي و هي الفك السفلي و جبت المريض و كشفت عليه مرة تانية و اكتشفت انه حالته ما بتنفع لنوع العلاج المطلوب منا فحولته لطالبة أصغر مني مطلوب منهم متل هدي الحالات ...

و بعد ساعتين شفت الشاب و قولتله انه الحالة مش زي ما كنا فاكرينها و حولتها للطلاب الاصغر منا لهو صدمني برده و بقولي معلش يا روند ما تزعليش من كلامي انتي اصلا ما كان لازم تاخدي التذكرة انا تنازلت عنها عشان صحبتك تاخدها معلش مرة تانية انتي اشتغلتي كتير و كلنا عارفين انك بشتغلتي كتير فخفي عن التذاكر خلي غيرك يشتغل ...... سكتت شوية و قولته اولا انا ما زعلت منك بس لعلمك صحبتي هي اشتغلت فيتاليم (نوع تركيب) و انا لسه كانت حتكون اول حالة الي من هالنوع و هي تنازلت عن التذكرة الي لهو رد بس انتي اشتغلتي بكل الأقسام كتير رديت عليه ماشي اشتغلت كتير بس هالنوع انا لسه ما استغلتو  على فكرة المرضى مش من الجامعة زي ما انت فاكر المرضى ناس انا بجيبهم انا ما باخد تذاكر من الجامعة ......

اذا كده خلاص بس بردو خفي على التذاكر ......... كتييييير ضايقني كلامه فسألت صاحبتي قولتها مبين عليا اني بشتغل كتيير صارت تضحك فأنا فهمت بس هي عارفة اني مرضاي أنا بجيبهم و كتيير تضايقت لانه اكيد كتير من الدفعة مفكراني بشتغل على حسابهم و كمان بعض زملائي المرحين كل شوية بيرموا كلام  على الشغل و المرضى بس عادي احنا بنمزح مع بعض و انا كمان برمي عليهم كلام عادي ما بتفرق معنا كله مزح.... بس هالشاب ما بحكي معه اصلا و ما كنت أخد بالي منه بالعيادات و هيك يقولي و أنا المظلومة بالموضوع انا ما باخد تذاكر من الجامعة بل العكس انا بنزل الشارع و بسأل البقال و المكوجي و العمال بالمنطقة و البوابين اذا بدهم حاجة بأسنانهم يعني انا تقريبا بعرض حالي للخطر عشان أتعلم و أشتغل وهم بالاخر مفكريني باخد حقهم..... شو بدهم يعني اعقد بالعيادة و استنى تذكرة من الجامعة لمريض و كالعادة هالتذاكر بتروح لحبايب المعيدين و اللي الهم واسطة و بخلولنا الفتات نتقاتل عليه  و لا اجبهلم أنا مرضى !!! . لأ اسمحولي انا بدور لحالي و أنا  اللي بجيب المرضى فما حد اله ضربة لازم عليا اديش بشتغل و طز بتذاكر الجامعة انا اللي بسعى عشان أتعلم و أشتغل مش زيهم بقعد أكتب بس طلبات و اعتراضات للعميد و طز بكلامكم و حتى الجامعة نفسها ما الها جميلة عليا لاني ما بستفيد الا تذكرة او تنتين طول التيرم هدا اذا طلعلي من الفتات ...........

و هي التيرم من أوله ما اشغلت حالة لسه و صارلو اسبوعين اسبوعين بادي و البرم بدا يطلع :(((

اسعى يا عبد و أنا اسعى معك هدا مبدأي و اللي ما بيعجبه يخبط راسه بالحيط 
.................

جذع الأمل

اليوم حابة أكتب عن موضوع كل العالم بيحكي فيه اسمه الخلايا الجذعية هالموضوع صارله فترة العالم مشغول فيه و بيعملوا ابحاث و تجارب ليشوفوا نتائجه و هل مفيد او ضار و مدى نسبة نجاحه و قد ثبتت فعالية هذا التطور.....

هلأ بدي أراجع أنا و أنتم كم من معلومة أخدناها زمااان و احنا صغار بالمدرسة فاكرين لما كنا نقول جسم الانسان يتكون من عدة أجهزة التنفسي , الهضمي , البولي , العصبي , التناسلي و هذه الأجهزة تتكون من عدة أعضاء و العضو يتكون من مجموعة أنسجة و النسيج مكون من عدة خلايا و أن أصغر وحدة هي نواة الخلية فاكرين هالمعلومة فاكرين " الخلية " هدي هي مربط المفرس متصورين أديش هي صغيرة بس هالمفعوسة سبحان الله هي اللي مشية الجسم بانتظام طبعا بقدرة الله عز و جل ....

هلأ يمكن الموضوع يبدأ يصعب بس أنا بحاول بقدر الامكان أبسط الموضوع لانه الكلمات صعبة شوي

3 أنواع من الخلايا هي التي تكون جسم الانسان هي 

 

mesenchymal stem cell  الخلايا الجذعية الوسيطة  

                                                        

  haemapoeitic stem cell  الخلايا الجذعية المنتجة للدم

                                                               

            

  embryonic stem cell الخلايا الجذعية الجنينية

هلأ الخلايا الجذعية الوسيطة الها القدرة انها تتحول لأي نوع خلية من خلايا جسمنا حسب هي وين موجودة و ايش الجسم بده تنتج النوع المسئول عن الخلايا المطلوبة يعني لو الجسم محتاج يبني عظم هدي الخلايا تنقسم و تنتج osteoblast خلية بناءالعظم و اذا الجسم محتاج ألياف تنتج fibroblast الخلايا الليفية .

طيب هلأ هدي الخلايا وين موجودة

هالخلايا الجذعية الجنينية و الوسيطة موجودة في نخاع العظام bone marrow و دم الحبل الري و سائل الحبل السري و اسمه   wharton's jelly و هدا أغنى مصدر للخلايا الجذعية  . 

 و طبعا احنا عارفين انه الحبل السري بينقطع عند الولادة

طيب عاد لو صار المرض بالعمر الكبير؟ زي ما احنا عارفين الجسم كل ما كبر بتقل الخلايا و تقل فعاليتها فكمية هالخلايا لو حصلنا عليها من النخاع العظمي أقل من لو أخدناها من الحبل السري و هنا صار الجدل و البحث في السنين الماضية كيف يحصلوا على هالخلايا من المولود و يخزنوها لوقت عوزة هههه

و الأجانب كالعادة بيشغلوا البطيخة تاعتهم وما شاء الله البطيخة بتطرح ثمار زاكية طبعا وصلوا لنتيجة و فعلا صاروا يطبقوها من سنين و أحلى شي بالموضوع انه الجسم عند الحاجة يتم زرع هذه الخلايا و تنقسم حسب النوع المطلوب من الخلايا دون مقاومة الجسم الها مش زي ما بيصر كتير مع عمليات زرع الكبد ,, و السبب بسيط مش احنا قلنا ناخده من المولود من الحبل السري من wharton's jelly  يعني لسه هالخلايا ما اكتمل نوعها كتير و ما عندها جهاز مناعي و بالتالي بتدخل الجسم و ما بيتعرف عليها و تنقسم للخلية اللي بدنا اياها...

و طبعا كيفية الحصول و الحفاظ على الخلايا معقدة و تحتاج تقنيات و خبرات عالية الأجانب بفكروا 100 سنة قدام أما احنا العرب نستنى المعلومة تيجينا بالمعلقة ما علينا خلينا بالمهم هلأ , يعني بجمل بسيطة بيتم تنظيف الحبل السري من الدم و بيعزلو wharton's jelly و بيحطوه في جهاز تبريد مخصص لعدة ساعات و بعدين في عدة محاليل و بعدين كمان مرة بحفظوه بدرجة حرارة معينة الا ان يتم الاستفادة منه بوقت تاني ...

و طبعا هالعلم أعطى ابتسامة أمل لكتير من المرضى خصوصا مرضى السكر من الاطفال عن طريق زراعة خلايا بنكرياس تكون سليمة و كمان أعطت الأمل لمرضى الشلل الرعاش بزراعة خلايا عصبية ...

و على فكرة مع هالاكتشاف الانسان ممكن يعيش أكتر من أول لانه بسهولة حيصيروا يقضوا على المرض بل كمان استعاضة أعضاء كاملة سليمة للمريض ...

                                                                

بتمنى أكون أعطيتك معلومة جديدة و ما أكون استخدمت كلمات صعبة وما تكونوا زهقتوا من القراءة لانه الموضوع جلف شوية

 و اذا بتحبوا تشوفوا أكتر افتحوا اللينك و التعليق بالعربي

  http://www.youtube.com/v/YXQ_SJsnWnE&rel=0

و اذا عجبكم الموضوع انتظروا أخر أكثر جدلا طرحه الدكتور أحمد زويل في ندوة له  و لكن أحتاج للقراءة عنه أكثر ... وما زال العلم يتطور :)))))

وجعلي قلبي

الحمدلله و الشكر لك يا رب الله أدمها نعمة علينا يا أرحم الراحمين

 من الأشياء اللي ما بتخليني أطلع او تنكد عليا بالطلعة لما اشوف الغلابة 

 ياما في أطفال هيك بكل العالم

 و المشكلة الواحد ما بيعرف هم فعلا محتاجين و لا يتدعوا الحاجة

اليوم طلعت أشتري لبس و الحمدلله توفقت بالشراية و احنا مروحين اتذكرنا انه بدنا شوية خضرة فقلنا معنا السيارة خلينا نروح سوق الحي السادس هدا سوق شعبي بأكتوبر و  هي تاني مرة أروح عليه هناك بتشوف الغني و الفقير تنعدم بينهم المستويات و بيصير الكل يفاصل على قرش لانه بصراحة بتفرق الاسعار عن المحلات اللي داخل المدينة الضعف و تلات أضعاف فمحرزة النزلة هناك بتكون ... اليوم زي أول يوم رحت عليه قبل 3 ايام بحاول أتأمل الناس بس أتأمل و هناك تذكرت غزة كتير لانه بشبه سوق السكة كله بسطات و سوق فراس كله كارات بحمار مكس زي ما تقولوا و الشي اللي ضحكني كنت واقفة عند كارة بتبيع قواني فخار و زبدية يعني welcome to gaza

و اليوم أنا واقفة و صافنة انتبهت على واحد عجوز شكله أبرص المهم فجأة لقيته بيمشي بسرعة على بسطة ولد صغير بيبيع بصل أخضر بصراحة منظره مغري جدا المهم أنا لقيت العجوز مد ايده على البصل و نقى وحدة و رجع على بسطته و قشر البصلة و حطها و من غير غسيل أنا ايش حطيته برأسي أنا فكرته بيسرق من الولد فحطيته براسي و بعد ما حط البصلة صار بردو يمشي بسرعة لغاية ما وصل لواحد بيبيع جبنة و أنا براقب فيه لأنا انصدمت من اللي شفته طلع جنيه و أعطاه لبياع الجبنة فبياع الجبنة قله لأ أصر العجوز انه يدفع حقها و بردو البياع ما رضي ياخد و اعطاله جبنة علما أن قالب الجبنة حقه 5 جنيه و الكيلو ب 20 جنيه و رجع لبسطته كمان بسرعة

فساعتها حسيت بتأنيب الضمير اني فكرت العجوز حرامي بس لانه هو كل شي كان بعمله بسرعة فكرته سراق طلع البياعين عارفينه غلبان يا حرام جعان و ايش غداه بس هالبصلة  و قطعة الجبنة  من غير خبز عنجد ساعتها قلبي اجعني عليه كيف هالدنيا صعبة و احنا مش حاسين ابدا ....

و شفت كمان بنت صغيرة بتبيع بقدونس و بتجري ورا الرجال عشان يشتري منها و هو بيغوش عليها بقولها مش عاوز صغير الي معك مش عاوز بردو ما هان عليا ليش يغوش عليها و بنت صبية بتبيع خس يمكن من عمري هالبنت طبعا الحال بغزة زي هيك و يمكن أسوء بس أنا بغزة ما كنت أنزل سوق الخضرة و أشوف هالمناظر كنت بس اشوف الشحاتين الصغار على الاشارة و اللي في سوق الرمال و البلد و كان بردو قلبي يتقطع عليهم و كالعادة ما بنعرف من فعلا محتاج و مين يدعي الحاجة .....

و كمل الموضوع معي مع اولاد الغفير اللي بيجوا يحملو الأغراض علشان ياخدو جنيه و اللي ضحكني انهم بتقاتلو على الجنيه يعني اليوم كانو 3 بيلعبوا و معهم ابن غفير تاني المهم ناديناهم كلهم علشان يحملوا فاجوا الاربعة فأولاد الغفير ما عجبهم هدا الرابع ياخد جنيه فقالولو سيب الاكياس و احنا مصممين يحمل معهم حرام بيضل طفل زيهم لهم النحسا على الدرج أخدوا منه الاكياس من غير ما نشوفهم و كملوا على بيتنا ...على الجنيه بيقاتلوا بعضهم مع انهم قبل دقيقة كانوا بلعبوا سوا...الله يعينهم و يرزقهم الواحد لازم يشكر ربه صبح و ليل على هالنعمة و الصحة و انه اجتنا الفرصة نتعلم و ندعي الله و نجتهد علشان ربنا يرزقنا لانه لكل مجتهد نصيب...

 آميـــــــــــــــــــــــــــــــــن يا رب العالميـــــــــــــــــــــن

تقليد أعمى

عنجد شي كتير هبل عاملين حالنا بنفهم و بنجاري التطور و بالاخر احنا مجرد مقلدين و يا ريت حتى بنحاول نحط لمستنا الا انه على العمياتي نقلد الغرب ...

بدينا بسوبر ستار و بعدها ستار اكاديمي و برنامج عرضته LBC نفس برنامج house swap وبرنامج  من  سيربح المليون و هلأ برنامج لحظة الحقيقة و Arab's got talent

يعني يا ريت لو حتى بنغير الاسم شو هالهبل هدا نفس الاسم بالضبط و حتى نفس الأسئلة و نفس التعليقات و نفس الموسيقى يعني حتى المجاملة بنقلدهم فيها بالله شو ضل علينا كمان لحتى نقلدهم .

بالله هالمنتجين و المخرجين ما بيستحوا على حالهم وين ابداعهم مفكرين المشاهد العربي جاهل و ما بتفرق معه اذا في نسبة كبيرة منهم هيك فبردو في كتير شايفين تفاهة هالبرامج المقلدة باستثناء من سيربح المليون لانه الا انه كمان تقليد أعمى بس على الاقل ثقافي الواحد كان يستفيد من المعلومات.

 بس بصراحة استفزني حاجتين من اعلانات هالبرامج اولا في برنامج لحظة  الحقيقة نفس السؤال لنفس عرق الشخص كان السؤال موجه لرجل أمريكي من أصل أفريقي في نسخته الامريكية و نفس السؤال سئل لرجل عربي لا ادري جنسيته تحديدا من أصل أفريقي هل سبق و أن قبلت رشوة أثناء عملك كشرطي شو هالتفاهة هدي لهالدرجة مستغفلينا لهدرجة هم مفكرينا عمي

و تاني شي في برنامج المواهب الفظيعة قال كان في شاب فلسطيني بلعب كونج فو و ماسك عقلة و نار بالله شو هالموهبة في الموضوع  و الغريب انه التلاتة المقدمين اعجبوا فيه  , و في سيدة مصرية ترقص شرقي بالعصاة و هم مكيفين عليها بالله هدي موهبة تتقدم هو احنا ناقصنا انحلال اخلاقي فوق اللي خارق فيه المجتمع و اللي صدمني انه عمر أديب بقوله انتي رقاصة انتي رقاصة و هي بتضحك و مبسوطة و كمل انتي وردة شمعة منورة سكرة جملته السخيفة دايما بالله عليك مش شايف حالك ..شو بيحكي  هدا ...

و الولد الصغير اللي كتير عجبني بس بصراحة ردة فعلهم كانت كتير مبالغة اي نعم الكلمات قوية بس الطفل مش هالموهبة اللي عنده في القاءالشعر يعني لو كان هو اللي كاتب و بيقي كان عنجد يستحق اكتر من هيك

بس عموما حلو انه اسم فلسطين ظاهر على الشاشة و مش بس الناس تشوفنا حجر و دبابة لاننا بشر بنحب و بنكره بنلعب و بنكتب

بس يا ريت يكون لامع في برنامج ثقافي لانه احنا المفروض نكون مثقفين.

بالمناسبة احكي عن تلفزيون فلسطين اللي عايش بعالم اخر شكله بحط أشياء و بيطلع مذيعين و مذيعات يعني بصراحة بسدوا النفس و يا ريت عندهم خبرة الا انهم بيطلعوا يهجوا تهجاية والله خيبة على هيك سلطة فلسطينية و على هيك تلفزيون تابع لهم يعني يا ريت بحطوا شي مفيد كله تفاهة بتفاهة و سياسة من وجهة عباس و شلته , مرة يتيمة شفت برنامج مسابقات ثقافية و بالخر قطعوه علشان واحد منهم يحكي لقاء يعني يا فرحة ما تمت هههه

عودة الى برنامج المواهب في بنت بحرينية غنت أغنية أحلام ما يصح الا الصحيح على فكرة هدي البنت طلعت في برنامج ستار صغار و غنت نفس الاغنية السنة اللي فاتت فانا استغربت يعني انعدمت الاغاني اللي تغنيهم من سنة نفس الاغنية بتغنيها مش حافظة غيرها بس ما عجبني هالتكرار و كأنه صوتها بس حلو بالاغنية و لا شو القصة !!!

يعني ما في قناة فكرت تعمل مسابقة الابداع العملي و العلمي؟؟؟؟؟ و لا وحدة حتفكر

 

برطن أسباني

يعني عاملة زي اللي صدقت حالي اني بحكي بطلاقة بالاسباني هم سنتين فيهم  اللي تعلمت فيهم أسباني و كل سنة بتعلم كلمتين و كلمة و بنساهم ...لا بس هالسنة أخدت الموضوع على محمل الجد و تعلمت احكي و اكتب أسباني و صار كل اللي بعرفني كل ما يششوفني بسألني كيف احكي هالجملة وشو معنى هدي و احكي معنا أسباني قال حيفهموا عليا لما أحكي :))))
هلأ انا  اهتمامي اني اتعلم لغة تالتة صاروا 6 سنين و كل اجازة صيفية بقول بدي اروح على المعهد الاسباني بس كالعادة المشوار بعيد من أكتوبر للمهندسين فما يبرضوا أهلي اروح و بيروح الصيف بين سفر و طلعات و فسح يا اما لما أخلص امتحانات الجامعة بتكون دورات صارلها اسبوعين بادية او العدد اكتمل بس قبل سنتين الموضوع صار بالنسبة الي تحدي يا بتعلم اللغة و بتقنها يا بعتبر حالي فاشلة و صرت أدور على النت على مواقع للتعليم و أجيب كتب و سي دي و هيك أشياء و فعلا لقيت موقع رهيب بيعلم اللغة زي ما بنقول تاتا و خطوة خطوة و في ناس متتخصيين بتسألهم و بيردوا على أسئلتك و اشتركت فيه و هناك تعلمت كتير أشياء و صرت انمي حالي من حالي اقرأ بعض القصص القصيرة بالأسباني و احاول أفهم عن شو تحكي و أسمع أغاني بالاسباني و اقرأها علشان اللفظ يكون ممتاز و هيني لحتى الان ماشية بالموضوع و ان شاء الله بصير احكي أسباني زي ما بحكي عربي و انجليزي ..

تراشق أفكار

بسم الله الرحمن الرحيم

أبدأ اليوم أول كتابة أول مدونة في مدونتي غرور الكبرياء , يمكن الاسم غريب بعض الشي و لكن مع الوقت ستتضح ملامح سبب تسميتها بهذا الاسم....

تراشق أفكار ! غريب أنا بعرف تراشق بالحجارة و لكن في بالي الان عدة أفكار للمدونة الاولى و لكن ايا منهم لن يتناول قضية محددة

  منذ 3 اسابيع تقريبا بدأت اجازة نصف السنة , حيث أستيقظ من حيرتي بما سأفعله بهذا اليوم ليكون مختلفا عما قبله  ابدأ سأقوم بعمل كذا و كذا و كذا و سأكلم فلانة و علانة و لكن في نهاية اليوم لا أفعل سوا المساعدة في اعمال المنزل و التفكير في شغل العيادة و متى ستبدأ الجامعة كي استمتع بالعمل في عيادات الجامعة و في نفس الوقت اناقض نفسي و أقول الحمد لله ارتحت من المرضى و هم العلامات وأشاهد قناة الجزيرة الوثائقية و MBC4 كأي شابة عربية. 

لقد حاولت جاهدة أن أستفيد من الاجازة و قراءة بعد كتب الأدب و الروايات و لكن لم تعجبني ايا مما بدأت بقراءتهم بس بالعكس في بعض أحيان أستغرب كيف لهذه الرواية ان تكون عالمية مثلا الحب في زمن الكوليرا و بصراحة اضغط على نفسي كي أقرأها و لكن بلا جدوى لم أعرها اي اهتمام أنا أتوقع لانها على الكمبيوتر و ليست كتاب افقد استمتاعي بالقراءة  :( و لكني أريد فعلا ان أقرأها لكونها مشهورة جدا... المتشائل للمرة الثانية أحاول قراءتها و أيضا لم أكملها و في كل مرة تستوقفني بعض النقاط في الصفحات الاولى و لا أدري سبب وجودها بالقصة وأتركها لأنني أحس الكاتب مثل ما نقول بالعامية "بيشرق و بيغرب بالكلام" بس هذه المرة انا مصممة اني اقرأها للنهاية.. 

و من عنده رواية ممتعة للقراءة او كتاب يحوي معلومات مختلفة  فيتفضل و يدلني عليه لأني أحب قراءة الكتب التي تحوي معلومات و ليس قصص حب  و فلسفة فقط .