الحمدلله و الشكر لك يا رب الله أدمها نعمة علينا يا أرحم الراحمين
من الأشياء اللي ما بتخليني أطلع او تنكد عليا بالطلعة لما اشوف الغلابة
ياما في أطفال هيك بكل العالم
و المشكلة الواحد ما بيعرف هم فعلا محتاجين و لا يتدعوا الحاجة
اليوم طلعت أشتري لبس و الحمدلله توفقت بالشراية و احنا مروحين اتذكرنا انه بدنا شوية خضرة فقلنا معنا السيارة خلينا نروح سوق الحي السادس هدا سوق شعبي بأكتوبر و هي تاني مرة أروح عليه هناك بتشوف الغني و الفقير تنعدم بينهم المستويات و بيصير الكل يفاصل على قرش لانه بصراحة بتفرق الاسعار عن المحلات اللي داخل المدينة الضعف و تلات أضعاف فمحرزة النزلة هناك بتكون ... اليوم زي أول يوم رحت عليه قبل 3 ايام بحاول أتأمل الناس بس أتأمل و هناك تذكرت غزة كتير لانه بشبه سوق السكة كله بسطات و سوق فراس كله كارات بحمار مكس زي ما تقولوا و الشي اللي ضحكني كنت واقفة عند كارة بتبيع قواني فخار و زبدية يعني welcome to gaza
و اليوم أنا واقفة و صافنة انتبهت على واحد عجوز شكله أبرص المهم فجأة لقيته بيمشي بسرعة على بسطة ولد صغير بيبيع بصل أخضر بصراحة منظره مغري جدا المهم أنا لقيت العجوز مد ايده على البصل و نقى وحدة و رجع على بسطته و قشر البصلة و حطها و من غير غسيل أنا ايش حطيته برأسي أنا فكرته بيسرق من الولد فحطيته براسي و بعد ما حط البصلة صار بردو يمشي بسرعة لغاية ما وصل لواحد بيبيع جبنة و أنا براقب فيه لأنا انصدمت من اللي شفته طلع جنيه و أعطاه لبياع الجبنة فبياع الجبنة قله لأ أصر العجوز انه يدفع حقها و بردو البياع ما رضي ياخد و اعطاله جبنة علما أن قالب الجبنة حقه 5 جنيه و الكيلو ب 20 جنيه و رجع لبسطته كمان بسرعة
فساعتها حسيت بتأنيب الضمير اني فكرت العجوز حرامي بس لانه هو كل شي كان بعمله بسرعة فكرته سراق طلع البياعين عارفينه غلبان يا حرام جعان و ايش غداه بس هالبصلة و قطعة الجبنة من غير خبز عنجد ساعتها قلبي اجعني عليه كيف هالدنيا صعبة و احنا مش حاسين ابدا ....
و شفت كمان بنت صغيرة بتبيع بقدونس و بتجري ورا الرجال عشان يشتري منها و هو بيغوش عليها بقولها مش عاوز صغير الي معك مش عاوز بردو ما هان عليا ليش يغوش عليها و بنت صبية بتبيع خس يمكن من عمري هالبنت طبعا الحال بغزة زي هيك و يمكن أسوء بس أنا بغزة ما كنت أنزل سوق الخضرة و أشوف هالمناظر كنت بس اشوف الشحاتين الصغار على الاشارة و اللي في سوق الرمال و البلد و كان بردو قلبي يتقطع عليهم و كالعادة ما بنعرف من فعلا محتاج و مين يدعي الحاجة .....
و كمل الموضوع معي مع اولاد الغفير اللي بيجوا يحملو الأغراض علشان ياخدو جنيه و اللي ضحكني انهم بتقاتلو على الجنيه يعني اليوم كانو 3 بيلعبوا و معهم ابن غفير تاني المهم ناديناهم كلهم علشان يحملوا فاجوا الاربعة فأولاد الغفير ما عجبهم هدا الرابع ياخد جنيه فقالولو سيب الاكياس و احنا مصممين يحمل معهم حرام بيضل طفل زيهم لهم النحسا على الدرج أخدوا منه الاكياس من غير ما نشوفهم و كملوا على بيتنا ...على الجنيه بيقاتلوا بعضهم مع انهم قبل دقيقة كانوا بلعبوا سوا...الله يعينهم و يرزقهم الواحد لازم يشكر ربه صبح و ليل على هالنعمة و الصحة و انه اجتنا الفرصة نتعلم و ندعي الله و نجتهد علشان ربنا يرزقنا لانه لكل مجتهد نصيب...
راااااااااائعة لابعد الحدوووووووووود ..!!
ردحذف:S ...الحمدلله يا رب الحمدلله على ما انعمت علينا من نعم حاسين او مش حاسين فيها ..الحمدلك يارب كما ينبغى لجلال وجهك وعظيم سلطانك .
استمري يا دودو هادي كتيييييييير حلوة وعجبتني ماشاءالله :)
هلول تسلميلي يا رب ;))))
ردحذفالله يسعدك و يبارك فيكي يا دودو، حقيقي قلبك كبير و طيــّــوب لانه كتير ناس بتمر عهيك مواقف و مشاهد، ما بتلاحظها، و ان لاحظو ما بيتوقفو عندها لحظة، و ان فعلو مش مستعدين يقطعو من وقتهم "الثمين" دقائق معدودة يتاملو في حكمة الله منها و يذكرو حالهم بفضله عليهم
ردحذفانا مش حابب ابيــّــن قلبي قاسي بس انا فعليا باعتبر اي شحــّــاذ كذاب و ممثل حتى يثبت العكس -و هو الشيء الذي للأسف لا يحدث ابدا- بس بيضل الواحد يتامل هيك حالات و يوقف مع حاله.. كل هلقدي الله خلقنا مختلفين عن بعض و متفاوتين في كل شي، بس بالنهاية انا متاكد انه عادل معنا جميعا، و زي ما بياخد من بعض الناس شغلات واضحة ممكن تخلينا نشفق عليهم، الا اني متاكد انه بالمقابل بيعوضهم بشغلات خفية احنا ما بنلاحظها قد تكون بتسعدهم اكتر من كنوز الدنيا، او مثلا -اذا صبرو عالبلا- بيجازيهم بالاخرة بانه الناس تصير تطلــّّــع عليهم و تحسدهم بدل ما كانو يطلــّــعو عليهم بالدنيا و يشفقو عليهم!!
و يسعدك يا ميدو متلك بعتبر كل شحاذ كذاب لانهم يمتهنوها و بالتالي ما بعطي اي شحاذ انا اكتفي بالنظر و احيانا الشفقة خصوصا الاطفال و المسنين و بقول الحمدلله على كل نعمة
حذف